துப்பட்டா அவமானத்தின் சின்னம்

பெண்கள் முதலில் வீட்டு வேலை செய்வதை நிறுத்த வேண்டும். வீட்டிலுள்ள எல்லா வேலைகளையும் துவைத்தல் வீடு கழுவுதல் சமைத்தல் என எல்லாவற்றையும் கணவன் தான் செய்ய வேண்டும் என நிர்ப்பந்தியுங்கள். வீட்டு வேலை செய்யாமல் இருப்பதால் கிடைக்கும் நேரத்தை படிப்பதர்கு பயன் படுத்துங்கள். நிறைய புத்தகங்கள் படியுங்கள் அறிவை வளர்த்துகொள்ளுங்கள் உங்கள் வேலையில் மேலும் முன்னேற என்னென்ன வழிகள் இருக்கிறதென ஆராய்ந்து அதற்கான திட்டமிடுதலுக்கு செலவிடுங்கள்.

பெண்கள் தங்கள் அழகை பேணுவதில் அதிக அக்கறை எடுத்துக்கொள்ள வேண்டும். குறிப்பாக உடல் அமைப்பு. உடற்பயிற்சிக்கு நேரம் ஒதுக்குங்கள். பிறகு அழகு நிலையம் போகலாம். அல்லது வீட்டிலேயே அழகு குறிப்புகள் எடுத்து உங்கள் உடல் முக அழகை பராமரியுங்கள். அழகும் அறிவும் தான் பெண்களின் ஆயுதம்.

உடை விஷயத்தில் நிறைய கவனம் செலுத்துங்கள். உங்களுக்கு தன்னம்பிக்கை தர கூடிய உடைகளை உடுத்துங்கள். அது எதுவானாலும். மேலும் துப்பட்டா அணிவதை தவிர்த்துவிடுங்கள். மாராப்பு என்பது ஆண்கள் நம் மீது திணித்த ஒரு ஆணாதிக்கம். நம் மார்பின் அழகு தான் ஆண்களை அலைகழிய வைக்கும். முந்தி விரிப்பது என்ற வார்த்தையை கேட்கும் போதெல்லாம் எனக்கு பொத்துக்கொண்டு வரும். என்ன ஒரு ஆணாதிக்க சிந்தனை பாருங்கள். எனவே உடை விஷய்த்தில் சில டிப்ஸ்.

• துப்பட்டா வேண்டாம்.

• ஹைஹீல்ஸ் அணியுங்கள். ஆண்களை பலவீனமானவர்கள் ஆக்க இது உதவும்.

• லிப்ஸ் ஸ்டிக் அவசியம் பூசுங்கள்.

• மார்புகளை தெம்பாக காட்டும் உள்ளாடைகளை அணியுங்கள்.

• எங்கே அமர்ந்தாலும் கால் மேல் கால் போட்டு அமருங்கள். அது பெண்மைக்கான கம்பீரத்தையும் ஆண்களுக்கு நம் அதிகாரத்தையும் உணர்த்த அது உதவும்.

எந்த தருணத்திலும் ஆண்கள் உங்கள் மீது ஆதிக்கம் செலுத்த விடாதீர்கள். எப்போதும் துணிச்சலுடன் ஆணாதிக்கத்தை எதிர்த்து நில்லுங்கள். எப்போதும் பூமியில் பெண் இனம் தான் சிறந்தது என எண்ணுங்கள். பெண்மையின் மேன்மையை போற்றும் ஆண்களை மட்டும் ஆதரியுங்கள். ஆண் இனம் என்பது ஆதிக்கத்தால் வாழ்வது. நம் அறிவுக்கும் அழகுக்கும் முன்னால் அவர்கள் நம்மை விட பல மடங்கு கீழானவர்கள் என்பதை உணர்ந்து அதற்கு தக்க படி நடக்க வேண்டும். இப்போது பாருங்கள் படிப்பில் பெண்கள் எப்படி சாதிக்கிறார்கள். ஆண்களை விட. வேலை வாய்ப்பிலும் புரோமோஷங்களிலும் பெண்களுக்கே முன்னுரிமை கொடுங்கள். திறமை குறைவாக இருக்கும் பெண்களை ஊக்குவியுங்கள். வீட்டு வேலையில் கவனம் செலுத்தாமல் தங்கள் அலுவலக வேலையில் அதிக கவனம் செலுத்தி வாழ்வில் முன்னேற வழி காட்டுங்கள். குறிப்பாக புதிய வேலை வாய்ப்புகள் கொடுக்கும் போது ஆண்கள் இன்டர்வியூ எடுத்தால் அழகான பெண்களை வழிந்தபடி எடுத்துவிடுவார்கள். நீங்களும் பெண்களை அதிகம் தேர்ந்தெடுங்கள். நம் இன உயர நீங்கள் தான் பாடு பட வேண்டும்.

நடக்கும் போது நிமிர்ந்து கைகளை வீசி உங்களின் இருத்தலை உணர்த்தும்படியாக கம்பீரமாக நடங்கள். மாறாக கூனி தலை குனிந்து எல்லாம் நடக்காதீர்கள். ஆணாதிக்கர்கள் அப்படி சொல்வார்கள். அப்படி சொல்லும் ஆண்களின் முகத்தில் காறி உமிழ்ந்தாலும் குற்றமில்லை.

இப்போது விடை பெறுகிறேன். மீண்டும் சந்திப்போம்.

பெண்கள் உங்கள் கருத்துக்களை பின்னூட்டங்களாக தெரிவியுங்கள்.

எனக்கு மெயிலிலும் தொடர்பு கொள்ளலாம்.

இப்படிக்கு உங்கள் அன்பு தோழி

வின்சி.

vincyontop@gmail.com